Oiartzungo Udala

Etxebizitza tasatuen urteko hirugarren zozketa urrian egingo da

2026-09-15

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: oiartzun@oiartzun.eus

Oiartzungo Udalaren etxebizitza plan integralaren parte da etxebizitza tasatuen kudeaketa eta salerosketa, izan etxebizitza horiek berriak edo bigarren eskukoak. Neurri horrekin etxebizitza tasatu guztiak, etxebizitza sozialak diren neurrian, legez dagokien prezioan saltzea bermatu nahi da.

Zozketak hiru hilero egiten dira. Urrikoa urteko hirugarrena izango da eta etxebizitza bat zozkatuko da: Arragua auzoan dago, gela bat du eta bigarren eskukoa da. Etxabe batean dago, ez du garaje eta trastelekurik. Behin-behineko prezioa 178.143 € dira (BEZik gabe).

ETXEBIZITZA TASATUEN URTEKO 3. ZOZKETA
Izen-ematea	HAZ Herritarren Arreta Zerbitzuko bulegoan, egoitza elektronikotik edo inprimaki hau betez eman behar da izena. Etxebizitza tasatuen eskatzaileen erregistroan baldintzak betetzen dituen edonork eman dezake izena edonoiz. Urriko zozketan parte hartu nahi dutenek irailaren 29a baino lehen egin behar dute.
Parte-hartzaileak	Etxebizitza tasatuen eskatzaileen udal erregistroan izena emanda egon eta beren lehentasunek (auzoa, logela-kopurua) zozkatuko den etxebizitzaren ezaugarriekin bat egiten dutenek hartuko dute parte.
Epeak	Irailak 29: izen-ematea Irailak 30: behin-behineko zerrenda (oiartzun.eus) Urriak 9: alegazioak eta lehentasun aldaketak Urriak 20: behin betiko zerrenda (oiartzun.eus) Urriak 28: zozketa (Landetxe Kultur Aretoa \| 10:00) Urriak 28: zozketaren emaitza eta itxarote-zerrendaren hurrenkera (oiartzun.eus)

Oiartzungo etxebizitza plan integrala

Oiartzungo Udala bere esku dauden eskumen guztiez baliatzen ari da etxebizitza plan integral bat diseinatzeko. Legealdia hasi denetik sei neurri zehatz landu ditu udalak, eta etorriko dira gehiago.

Etxebizitza hutsen inbentarioa: Egoeraren diagnostikoa egiten ari da udala, etxejabeen artean alokairua sustatzeko eta hutsik geratzen direnei ondasun higiezinen gaineko zergan (IBIan) gainkargua aplikatzeko.
Alokairurako Bizigune eta ASAP programak: Etxebizitza hutsak Bizigune edo ASAP programen bidez alokairuan jartzen dituzten etxejabeek %50eko hobaria dute ondasun higiezinen gaineko zergan. Programa horiek euren etxeak baldintza onetan alokatzea bermatzen diete etxejabeei.
Etxebizitza tasatuen salerosketaren eskumena eta kontrola, babes ofizialeko izaera duten etxebizitza horiek legez dagokien prezioan saltzea bermatzeko.
Eredu guztietako etxebizitzak promozio berrietan: alokairu sozialekoak, babes ofizialekoak, tasatuak eta libreak. Promozio berri horien proiektuak garatzeko parte-hartze prozesuak egin dira auzotarrekin.
Erabilera turistikoko etxebizitzak mugatzea: Hiri Antolamendurako Plan Orokorreko hala dagokion ordenantza aldatu da.
Tentsio handiko eremu izendapena: 2026ko udaberrian egin zen eskaera eta urtea amaitzerako izendapena eskuratzea aurreikusten da.

Noticias

Etxebizitza tasatuen urteko hirugarren zozketa urrian egingo da

Gehigarriak