Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: oiartzun@oiartzun.eus

2025eko errenta aitortzeko kanpaina martxan jartzear, Errenteriako, Lezoko, Pasaiako eta Oiartzungo Udalek errenta aitorpena euskaraz egiteko deia egin diete eskualdeko zergadun guztiei eta, bidenabar, ogasunarekin harremana euskaraz izatera ere animatu dituzte.

Errenta aitorpena euskaraz egiteko, Gipuzkoako Foru Ogasunetik iristen den autolikidazio proposamena onartzerakoan hizkuntza hauta daiteke. Aitorpena internetez edo modu mekanizatuan ogasunaren bulegoetan aurrez aurre egiten denean ere, euskaraz egin daiteke hizkuntza hautatuz nahiz langileari adieraziz.

Urtez urte gero eta gehiago dira errenta euskaraz egiten duten Oarsoaldeko herritarrak eta baita administrazio publikoekin euskaraz egitea erabakitzen dutenak ere.

Oarsoaldeko lau udalek, Oarsoaldeko Euskara Batzordearen bitartez, bi lagunentzako otordu bana zozkatuko dute herri bakoitzean errenta aitorpena euskaraz egiten duten zergadunen artean. Zozketan parte hartzeko bide ezberdinak jarri dituzte:

• online formularioa
• karteletako QR kodea
• leku publikoetan jarriko diren txartelak