Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Aurten ere, 50/50 proiektuak sariak eman dizkie Oarsoaldea eskualdeko bost ikastetxe publikori, energia-eraginkortasuna sustatzeko egindako ahalegingatik. Elizalde Herri Eskolaz gain, Karmengo Ama Herri Eskola, Lezo Herri Eskola, Cristobal Gamon Ikastetxea eta Bizarain Ikastola saritu dituzte.

2019tik garatzen da garatzen da Oarsoaldeko ikastetxeetan Gipuzkoako Foru Aldundiko Jasangarritasun Departamentuak finantzatutako 50/50 proiektua. Hezkuntza-komunitateak energia eta uraren kontsumoari dagokionez ohitura jasangarriak hartzearen garrantziaz kontzientziatzea du helburu, portaera-aldaketa sustatuz.

Programa honen metodologia, kontsumo eta ekonomia adierazleetan, kontsumoen denbora-errealeko monitorizazioan eta hezkuntza-komunitate osoa inplikatzeko pizgarrietan oinarritzen da. Aurrezpenaren % 50 hezkuntza-komunitateari ematen zaio, sari gisa. Gainerako % 50a aurrezpen garbia da, eskolako instalazioen eraginkortasuna hobetzera bideratua, horrela aurrezki berriak sortuz.

Ikastetxe horietan egindako ekintzen emaitza ia 35.000 euroko aurrezpena izan da Oarsoaldeko udalentzat eta 1.935,52 euroko saria jaso du Elizalde Herri Eskolak. Hala ere, lorpen ekonomikoez eta CO2 emisioen murrizketaz gain, proiektu honen gauzarik baliotsuena, baliabideak modu arduratsuan erabiltzeko betebeharra lehenbailehen ulertzea eskatzen duen mundu honetan, eskaintzen duen esperientzia pedagogikoa da.

Landetxe Kultur Aretoan egin zuten 50/50 txekeak emateko ekitaldia. Bertan parte hartu zuten, besteak beste, Elizalde Herri Eskolako energia taldeko ikasle eta irakasleek, Agustin Lekuona alkateordeak eta Peru Kortabarria Udaleko Energia teknikariak.