Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Azkenaldian areagotu egin dira euskararen normalizazioa helburu duten neurrien aurkako epaiak. Ez dira sententzia isolatuak; botere judizialetik hizkuntza-politika aurrerakoiak mugatzeko eta herritarron hizkuntza-eskubideak murrizteko oldarraldia da. Epai hauek euskararen ofizialtasuna bera ere zalantzan jartzen dute.

Eraso hauen aurrean, euskararen zein euskaldunen hizkuntza-eskubideen kontrako oldarraldia salatzeko manifestazioa antolatu du Euskalgintzaren Kontseiluak azaroaren 4an Bilbon. Oiartzungo Udaleko langileek ere mobilizazioa babestu eta Bilboko kaleak betetzeko deia egin dute. Talde argazkia atera dute udaletxe aurrean.

Oiartzundik manifestaziora joateko autobusak antolatu dira. 15:00etan abiatuko dira Haurtzaro Ikastolako aparkalekutik.  Herriko lau tokitan eman daiteke izena; Elizalde Herri Eskolan, Haurtzaro Ikastolan, Intxixu-AEK euskaltegian eta Kastro tabernan.