Udal berriak

Proiektuan interesatuak daudenak elkartzea da asmoa

Oiartzungo energia komunitatea sortzeko prozesua martxan jarri nahi dute Udalak, herritar bolondresek eta Goienerrek. Oiartzunen energia burujabetzarako dauden aukerak aztertu eta lantzea izango da helburua nagusia, beti ere energia iraunkorraren esparruan. 

Horretarako, aurkezpen bilera izango da datorren ostegunean (hilak 9, 18:30ean, Manuel Lekuona bibliotekan).

Oiartzungo energia komunitateak inguruari eman nahi dio zerbitzua (etxebizitza, elkarte, komertzio...) eta horretarako dauden aukerak elkarlanean osatu nahi dira.