Udal berriak

Bi zuzendari izango dira bertan

Udalbiltzak martxan jarri eta Oiartzungo Udalak ere lagundu duen Geuretik sortuak sorkuntza egitasmoan ondutako bost film laburrez osatutako Bost teilatu ikusteko aukera izango da igandean (hilak 8) gurean.

Bertan izango dira film laburretako bat egin duten bi sortzaile: Amancay Gaztañaga eta Erika Olaizola. Tafallan landu zuten Krak. Lan horrekin batera, Raul Barrerasen Arnasa; Josu Martinezen Hitzak; Leire Egañaren Erlojupekoa eta Eñaut Castagneten Muga film laburrek osatzen dute Bost teilatu.

Emanaldia 18:30ean hasiko da eta dohainik izango da. 15 urtez goitiko ikusleentzako emanaldia da.