Udal berriak

E-mailez eta telefonoz euskaraz aritzeko formakuntza laburrak izango dira.

Oiartzungo Udalaren LANIN zerbitzuak doako 2 trebakuntza ikastaro labur eskainiko ditu herriko enpresa txiki eta ertainetan ari diren langileentzat. Ikastaroak online izango dira, azaroan zehar.

Mezu elektronikoak erantzutean eta telefonoz aritzean euskara erabiltzeko tresnak landuko dira formakuntza saioetan. ‘Telefonoz euskaraz’ ikastaroa A2-B1 euskara maila duten langileentzat izango da eta ‘E-mailak euskaraz’ trebakuntza B2 maila dutenentzat. Lotura hauetan eman behar da izena azaroaren 3a baino lehen:

• e-mailak euskaraz: https://labur.eus/hAm5J
• Telefonoz euskaraz:  https://labur.eus/IAl1j

Herriko enpresa txiki eta ertainetan euskara normalizatzea du helburu Lanin zerbitzuak eta egitasmo eta formakuntza ezberdinak egiten ditu horretarako.