Udal berriak

Aisialdiko begirale eta kirol entrenatzaile ikastaroak euskaraz egiteko bekak ere emango ditu.

Oiartzungo Udalak zabalik ditu euskara edo euskaraz ikasi, hizkuntza hobetu edo erabilera sustatzeko hainbat dirulaguntza lerro. Aiako Gaztelumendi hizkuntz normalizaziorako zinegotziak azaldu duenez, euskara ikasteaz gain, herritarrek ikastaroak gure hizkuntzan egitea bultzatu nahi du Udalak. Zehazki, hauek dira diruz lagunduko dituen ekintzak:

• 2023 Udako Euskal Unibertsitateak (UEU) antolatutako ikastaroak euskaraz egin izana
• 2023-2024 ikasturtean euskara ikasteko eta hobetzeko ikastaroak
• 2023an aisialdiko begirale edo zuzendari eta kirol entrenatzaile ikastaroak euskaraz egitea
• 2023an arlo sozioekonomikoan euskararen erabilera sustatzeko ekimenak
• 2023an Oiartzungo udalerriaz gaindiko eremuetan euskara sustatzen dabiltzan erakundeak

Guztira 78.000 eurotik gora bideratuko ditu Udalak aurten laguntza hauetara.

Dagoeneko aurkeztu daitezke eskaerak

Irekita dago eskaerak egiteko epea. Oinarriak eta informazio guztia Udaletxeko webguneko dago eskuragarri, www.oiartzun.eus helbideko ‘Iragarki Taula’ ataleko ‘Dirulaguntzak’ arloan. Laguntza lerro bakoitzaren informazioan zehaztuta dago epemuga.

Gainera, gogorarazi dute 2023ko udan euskara ikasteko eta hobetzeko egintako ikastaroetarako laguntza eskaera egin daitekeela urriaren 2tik 16ra.

Eskaera hauek guztiak udaletxeko harreran edo telematikoki egin daitezke. Informazio gehiago behar duena Euskara sailarekin jar daiteke harremanetan 943 49 38 42 telefonora deituta edo euskara@oiartzun.eus helbidera idatzita.