Udal berriak

Larunbatean egin zuten ekitaldia.

Prosa eta Poesia lehiaketako sari-banaketa izan zen larunbatean, Euskararen Nazioarteko Egunean. Josu Delgado, Hizkuntz normalizaziorako zinegotziak eta Aitziber Arnaizek, Hizkuntz Normalizaziorako Teknikariak eman zieten ongietorria bertaratutakoei.

Delgadok gogora ekarri zuen 2021eko ekitaldian esan zituen hitzak: “euskaldunok gutxienez 500 urte generamazkiela maitasun poemak, eskutitz jasoak, merkataritza kontuak eta abarrak gure hizkuntzan” idazten. “Motz” gelditu zela aitortu zuen, “Irulegiko eskuak erakutsi digulako 2000 urte baino gehiago daramagula idazten euskaraz”.

Suo-Gan talde oiartzuarraren musika lagun, irabazleak beraien ipuin eta olerkien zatiak irakurtzera igo ziren oholtzara. Ekaitz Zabalza ilustratzaileak marrazki bihurtu zituen poesia eta kontakizun horiek.

Urtez urte, haur eta gazte oiartzuar askok hartzen dute parte lehiaketan. Denak zoriondu nahi izan zituzten “irudimenaren bitartez lurralde berriak ezagutu eta ezagutarazteagatik”.

Herriko idazle eta ilustratzaileek 2022an argitaratu dituzten lanak ere gogora ekarri zituzten, “zorionez, herri honetan literatur sortzaileak ere bizi-biziak” baitira.

Delgadok “sortzen, idazten eta amesten jarraitzeko” deia egin zien.

Hauek izan ziren sarituak, sailez sail:

PROSA:

• LH 3
  • Saria: Mikel Arbelaitz Perkaz, Eguzki sistemako bidaia
  • Saria: Eluz Ziaurritz Olaziregi, Nola sortu den mundua
• LH4
  • Saria: Nola Lekuona Agirrezabala, Neska ausarta
  • Saria: Elaia Lasa Gelbentzu, Liburuen mundua
  • Aipamen berezia: Irantzu Irastorza Uranga, Edurne bere baserrian
• LH 5-6
  • Saria: Arene Lujanbio Larrea, Egunero buelta bat
  • Saria: Maddi Zumeta Arbelaitz, Bizitza gorria da
  • Aipamen berezia: Aroa Pinillos Lekuona, Idazle izateko ametsetan
• DBH 1-2
  • Saria: Harriet Mitxelena Lekuona, Margarita
  • Saria: Alain Elizazu Iñarra, Damu naiz
• DBH 3-4
  • Saria: Lide Larrea Etxebeste, Zure memoria
  • Saria: Iraia Zapirain Olasagasti, Irailaren 24a
  • Aipamen berezia: Ekhi Arizmendi Teiletxea, Gabon
• 16-18 urte
  • Saria: Marrin Etxebeste Sanzberro, Giltzapetutako mareak

POESIA:

• LH 5-6
  • Saria: Iraitz Juantorena Oiarzabal, Onddo
  • Saria: Aroa Pinillos Lekuona, Hitzak
  • Aipamen berezia: Maddi Susperregui Yerobi, Sentimenduak
• DBH 1-2
  • Saria: Harriet Mitxelena Lekuona, Gogoratuz
  • Saria: Ane Etxebeste Eizagirre, Munduak jaten nau
  • Aipamen berezia: Kattalin Arabolaza Palomo, Heriotza
• 16-18 urte
  • Saria: Amaiur Aranburu Gorrotxategi, Kateak
  • Saria: Maren Aginaga Bote, Armiarma sareak
  • Aipamen berezia: Ane Garmendia Irastorza, Bi mundu