Udal berriak

Mugikortasun jasangarria eta oinezkoen segurtasuna hobetu nahi du horrela.

Urmendi Haur Eskolatik Haurtzaro Ikastolara doan errepide zatian espaloia egiten ari da Oiartzungo Udalak. Gaur egun, hilerritik Urmendirako tartean espaloia badagoen arren, Urmenditik ikastola ingurura errepide bazterretik joan behar dute oinezkoek.

Bide guztia argiztatu egingo da. Proiektu honekin, Sibeluts kale guztian espaloia egongo da.

Oiartzungo Udalak mugikortasun osasuntsua indartzen jarraitu nahi du horrela eta Urmendira oinez modu seguruan joatea erraztu.

89.212,76 euroko aurrekontua du proiektuak eta lanak urrirako bukatzea aurreikusten da.