Udal berriak

Eskaerak apirilaren 1etik maiatzaren 31ra egin beharko dira

Arte sorkuntzarako eta ekoizpen-prozesuetarako diru laguntzen lerroa sortu du Oiartzungo Udaleko Kultura sailak, Oiartzunen arte-sorkuntza edo ekoizpen-prozesuak garatzen ari diren edo hasi nahi duten artistentzako.

Lehenengoz emango dira diru laguntza hauek. 6.000 € bideratuko ditu Udalak zinema, ikus-entzunezko, argazkigintza, dantza, literatura, musika, antzerkigintza edota arte plastikoen arloko sorkuntza eta ekoizpen-prozesuak laguntzeko.

Diru laguntza eskaerak apirilaren 1etik maiatzaren 31ra egin beharko dira, presentzialki udaletxeko harreran edo telematikoki.

Informazio guztia, hemen.

KONTAKTUA:

Oiartzungo Udaleko Kultura saila

Helbidea: Donibane kalea, 11. Manuel Lekuona biblioteka, 2. solairua

E-maila: kultura@oiartzun.eus

Telefonoa: 943 49 10 34