Udal berriak

Bilera ostegunean izango da

Oiartzungo Udalak eta Euskaraldiko Oiartzungo lantaldeak, Euskaltzaleon Topagunearen 365 egun euskaraz ekimenaren proposamena aurkeztuko du aste honetan herrian (hilaren 23an, osteguna, 18:00etan Manuel Lekuona bibliotekako beheko aretoan).

Aurten ez da Euskaraldirik izango, baina Euskaltzaleon Topaguneak arlokako lanketa bereziak egitea proposatu du. Hain zuzen ere, familia transmisioa lantzea proposatu du.

Ostegunekoa bilera irekia izango da eta umeekin harreman zuzena duten heldu guztiak (gurasoak, irakasleak, hezitzaileak...) gonbidatuta daude aurkezpenera. Helburua, Oiartzunen zer egin daiteken eta zer egin nahi den guztien artean hausnartzea izango da.