Udal berriak

Ergoienen eta Karrikan autobus geltokiak (markesinak) jarri dira. Ergoienen, Tornola kalean (Pikabe eta Tolare artean) kokatu da markesina eta Karrikan, berriz, Xabalean (plazan).

Herri barruko garraio zerbitzuari (taxibusa) eta ikastetxeetako autobusei itxoiteko toki aproposa eskainiko zaie hauekin auzotarrei, argiztapen eta guzti.

Honez gain, bi geltoki berri horietan eta Gurutzeko autobus geltokian taxibusaren eta Xorrola herri barruko autobusaren ordutegien taulak jarri dira.

Helburua herri barruko garraio publiko zerbitzua hobetzea da, erabiltzaileei erraztasunak eta erosotasuna emanez, erabilera sustatzeko.