Datorren astelehenetik aurrera (maiatzak 4), Euskal Herria plazako aparkaleku publikoa berriz ere txandakakoa izango da. Astelehenetik ostiralera, 08:00etatik 20:00etara ordu eta erdiko doako aparkalekua egongo da baimenduta bertan. Larunbatetan, denbora-muga bereko txandakatze sistema izango da 08:00etatik 14:00etara.
Besteak beste, txandakatze sistema berriz martxan jartzea erabaki du Udalak erdiguneko komertzio txikiaren irekiera eta normalizazioa hasiko delako datozen egunetan, eta herritarrei horietara joateko erraztasunak emateko.
Azken asteetan, COVID-19ak eragindako larrialdi egoera dela eta, txandakatze sistema bertan behera utzi zuen Udalak. Larrialdi egoera fase berrietan sartzen hasi da, eta momentura egokitzeko erabakiak hartzen jarraituko du Udalak.
2024 © Oiartzungo Udala. Lege Oharra | Erabilerreztasuna | Cookiei buruzko oharra | Datuen Babeserako politika