Udal berriak

Hilaren 29an egingo da udal osoko bilkura, 18:00etan.

Apirileko udalbatzarreko gai azpimarragarriak hiru izango dira. Arraguako osasun zentroaren inguruko eremuaren plan berezia behin betiko onartuko da, behin-behinean ikusgai egon eta hari alegazioak egiteko epea amaituta. Urriaren 1ean industriaguneetako hondakinen bilketa eta kudeaketa udalak bere gain hartzeko, Garbitania Zero Zabor S.L.rekin lankidetzarako esparru-hitzarmena onartu eta hondakinak biltzeko enkargua egingo zaio. Hirugarrenik, 2025eko aurrekontuaren likidazioaren berri emango da.

Hamabi puntuko gai-zerrenda

18:00etan hasiko da apirileko udalbatzarra eta hamabi puntuko gai-zerrenda izango da aztergai:

1. Aurreko batzarrari dagokion akta onartzea
2. Gipuzkoako Garraioaren Lurralde Agintaritzaren barruan dauden Gipuzkoako Administrazioen eremuan bidaiarien errepide bidezko garraio-zerbitzu publiko erregularrak harmonizatzeko erregelamenduaren aldaketa onartzea
3. Oiartzungo udalerria tentsio handiko bizitegi-merkatu eremu deklaratzeko prozeduraren memoria osatzea
4. Arraguako ARR-1A eremuko Plan Berezia behin betiko onartzea
5. Oiartzungo zerbitzu anitzeko Landetxe udal eraikineko taberna-jatetxea zerbitzu emakida bidez kudeatzeko kontratuari dagokion zorren zuzenketa eta bermea itzultzea
6. GARBITANIA S.L.ri., bitarteko propioa izendatuta izan den aldetik, Oiartzungo jarduera ekonomikoetarako sailkapena duten hirigintza eremuetan hiri-hondakinekin parekaturiko hondakinak biltzeko enkargua egitea
7. Lankidetzarako esparru-hitzarmena onartzea: GARBITANIA ZERO ZABOR S.L. eta Oiartzungo Udalak egin beharreko jarduera-enkarguen araubide juridikoa arautzen duena
8. 2026/01 kreditu aldaketaren onarpenaren berri ematea
9. 2025eko aurrekontuaren likidazioaren berri ematea
10. Lokal baten erabilera etxebizitzara aldatzeko obrak egiteko proiektuari sortutako 2025. urteko likidazioa baliogabetzea
11. Beste organoen jardueraren jarraipena
12. Eskari-galderak