Udal berriak

Bederatzi gai jorratuko dituzte.

Uztailari dagokion ohiko udal osoko bilkura asteazken honetan egingo dute (hilak 23). Astebete aurreratu dute ikasturteko azken saioa. 18:00etatik aurrera, bederatzi puntu izango dituzte aztergai udal ordezkariek, honako hauek:

1. Aurreko batzarrari dagokion aktaren onarpena.
2. Azpeitia Isasa SL. ALT-6 eremuko R-1 lursailean etxebizitzak antolatzeko Xehetasun Azterketa.
3. Kontabilitateko eskubideen bajak.
4. Onartzea 2024. urterako igoera gehigarria (%0,5ekoa) eta honen aplikazioa erabakitzea.
5. Enplegu publikoa antolatzeko 2025-2027 plana onartzea.
6. Organo kolegiatuetako udalaren ordezkarien izendapena aldatzea: GPS-Gipuzkoako Parketxe Naturalaren Sarea fundazioa.
7. Kontu orokorra: Kontu bateratuen Memoriaren berri ematea.
8. Beste organoen jardueraren jarraipena.
9. Eskari-galderak.