Udal berriak

300 euroko hiru sari zozketatuko dituzte aurten azterketa teorikoa euskaraz gainditzen dutenen artean.

Ikasturte bukaera iristear da eta herrikide askoren udako planen artean egongo da gidabaimenen bat ateratzeko prestatzen hastea. Euskaraz prestatu, egin eta gainditzeak saria izan dezake aurtengoan. Izan ere, azterketa teorikoa euskaraz gainditzen dutenen artean 300 euroko hiru sari zozketatuko ditu Oiartzungo Udalak. Hartara, praktikoa prestatzea merkeagoa izango da saridunentzat.

Azterketa teorikoa 2025eko urtarrilaren 1etik abenduaren 31 bitarte gainditzen dutenek izango dute zozketan parte hartzeko aukera. Baldintza hauek bete behar dira:

• Azterketa teorikoa euskaraz prestatu, egin eta gainditzea.
• Oiartzunen erroldatua egotea.
• Matrikula ordaindua izatea.
• Azterketa teorikoa 2025ko urtarrilaren 1a eta abenduaren 31 bitartean gainditzea.
• Zozketan parte hartzeko galdetegia 2026ko urtarrilaren 31 baino lehen betetzea (galdetegia hemen).

Zozketa 2026 hasieran egingo da.

Oiartzun Autoeskolan 2009tik ari dira gidabaimena euskaraz prestatzen, emaitza bikainekin. Gidabaimenen bat ateratzekotan dauden herritarrak bertara joan daitezke behar dituzten azalpenak jasotzera. Hemen ere eskura daiteke gidabaimena euskaraz prestatzeko informazio gehigarria: https://gidabaimenakeuskaraz.eus

Argazkian, Aitziber Etxebeste, Oiartzun Autoeskolako arduraduna eta Aiako Harria Gaztelumendi, Oiartzungo alkateordea.