Udal berriak

Lur Kortak egingo du saioa.

Datorren astelehenean (hilak 27) egingo dute haurren artean irakurzaletasuna bultzatzeko Udalak hilabetero antolatzen duen ipuin kontaketa saioa. Azaroko kontalaria Lur Korta izango da eta 4 urtetik gorako haurrentzat izango da. Ohi bezala, Manuel Lekuona bibliotekan izango da saioa, 17:00etan.

Lau urtetik gorako haurrentzat izango denez, gurasoek kanpoan itxaron beharko dute.

2023ko azken ipuin kontaketa izango da, Gabonetako oporrak direla eta abenduan ez baita saiorik izango.