Udal berriak

Garapen Jasangarrirako helburuak lantzen jarraituko dute.

Aurreko ikasturtean egindako diagnostikoan oinarrituta, 2023-2024 ikasturtean Garapen Jasangarrirako “Energia eskuragarria eta ez kutsatzailea” 7. helburua lantzen jarraituko dute Oiartzungo ikasleek.

Herriko egoera hobetzeko proposamenekin esku-hartze plana diseinatuko dute Oiartzungo bi ikastetxeetako Haur Hezkuntzako, Lehen Hezkuntzako eta Bigarren Hezkuntzako ikasleek. Eskolako Agenda 2030 programaren baitan gauzatuko diren ekintzekin adin guztietako ikasleak ahalduntzea, eragile aktiboak izatea eta sarean lan egitea lortu nahi da.

Ikasturte amaieran aurrera eramandako ekintza eta proiektuak aurkeztuko dizkiete ikasleek udal ordezkariei eta Udaletik ere martxan jarri litezkeen hobekuntza proposamenak egingo dizkiete.