Udal berriak

Hilero liburu bat izango dute hizketagai.

Irailean ekingo dio ikasturteari Oiartzungo Irakurketa Taldeak. Manuel Lekuona bibliotekak antolatuta, hilean behin bilduko dira irakurzaleak (hirugarren asteartean), 20:00etatik 21:00etara, liburutegian bertan. Goiatz Labandibarren dinamizatuko ditu saioak.

Irailetik ekainera irakurri eta landuko dituzten liburuak zerrendatu dituzte dagoeneko. Literatur modalitate ezberdinetako lanak izango dira, guztiak euskaraz. Irailaren 19an jarri dute lehen hitzordua. Olatz Mitxelena oiartzuarraren Arrain hezur bat eztarrian hamar ipuin laburren bilduma izango dute hizketagai, idazlearekin batera.

Taldean parte hartu nahi dutenek Manuel Lekuona bibliotekan eskatu dezakete informazio gehiago.

Hauek dira 2023-2024 ikasturtean aztertuko liburuak:

• Irailak 19: Arrain hezur bat eztarrian (Olatz Mitxelena)
• Urriak 24: Larrua (Curzio Malaparte)
• Azaroak 21: Kristalezko begi bat (Miren Agur Meabe)
• Abenduak 19: Babilonia (Joan Mari Irigoien)
• Urtarrilak 23: Erabili goldea hilen hezurren gainetik (Olga Tokarczuk)
• Otsailak 20: Iruleak (Garazi Albizua)
• Martxoak 19: Bihurguneko nasa (Uxue Apaolaza)
• Apirilak 23: Dendaostekoak (Uxue Alberdi)
• Maiatzak 21: Puta (Nelly Arcan)
• Ekainak 25: Haragizko mamuak (Karmele Mitxelena)