Eskaera denak aztertu eta erantzuteko konpromisoa hartu du Udalak.
Eskolako Agenda 2030 proiektuaren bitartez, Elizalde eskolako eta Haurtzaro ikastolako HH, LH eta DBHko 750 ikaslek Oiartzunen energiaren erabilera jasangarriagoa nola egin aztertu dute ikasturte honetan. Udalerriaren egoera hobetzeko ekarpenak jasotzea izan da helburu nagusia, Oiartzungo diagnostikoa egin eta energia gutxiago erabiltzeko zer egin daitekeen hausnartzea.
Norberak har ditzakeen neurriak aztertu eta konpromisoak hartu dituzte. Ikastetxeetan eta udalerrian energia kontsumoa jaisteko zer egin daitekeen ere landu dute eta Oiartzunerako landu dituzten proposamenak aurkeztu zizkieten atzo udal ordezkariei. Pleno aretoan bildu ziren herriko ikastetxeetako ikasleak eta zinegotziak.
8 eskaera eta 10 konpromiso
Kaleko argian behar direnean bakarrik piztea, faroletan LED argian jartzea, eguzki plaken instalakuntzak egitea… Energia gutxiago erabiltzeko zortzi neurri proposatu zituzten. Agustin Lekuona hirigintza zinegotziak eskaera guztiak aztertu eta udazkenean egingo duten foroan banan bana erantzuteko konpromisoa hartu zuen. Energia trantsizioan eta burujabetzan elkarrekin lanean jarraitzera animatu zituen ikasleak, “guztion ahaleginari esker lortuko baitugu Oiartzun jasangarriagoa, ekologikoagoa eta berdeagoa”.
Udalari egindako proposamenak:
Ikasleek hartutako konpromisoak:
2024 © Oiartzungo Udala. Lege Oharra | Erabilerreztasuna | Cookiei buruzko oharra | Datuen Babeserako politika