Udal berriak

9:30ean jarri dute hitzordua, auzoko frontoian.

Arragua auzolanean txukunduko dute igandean, azaroak 20. Oiartzungo Udalak eta Bazterrak Txukuntzen herritar taldeak antolatu dute ekimena. Arraguakoa aurten egingo duten zortzigarren saioa izango da, aurretik herriko beste zazpi auzoak garbitu baitituzte.

Auzotarrak eta gainontzeko herritarrak gonbidatu dituzte parte hartzera, guztion ardura baita herria txukun mantentzea.

Auzoko frontoian bilduko dira partehartzaileak 9:30ean. Inguruko hondakin eta zikinkeria bildu ondoren hamaiketakoa eskainiko diete antolatzaileek bertaratutakoei.