Udal berriak

Oiartzungo emanaldiek ere arrakasta handia izan dute.

Udalbiltzaren Geuretik Sortuak egitasmoak euskarazko kultur sorkuntza sustatzea du helburu. Oiartzungo Udalak ere parte hartu du ekimenean. Lore-more antzerki konpainiak egonaldia egin zuen herrian beraien proiektua sortzeko. Haien lana Oiartzunen ikusteaz gain, beste 5 antzezlanez, 5 film labur eta literatur lanez gozatzeko aukera izan dugu 2022an zehar.

Proiektu honi esker, euskara hutsean sortutako 26 sormen lan garatzen lagundu da. 5.500 ikusle bildu dituzte hauek: 130 antzerki emanaldi egin dira, 26 liburu aurkezpen eta beste hainbeste fin emanaldi antolatu dira Euskal Herriko herri ezberdinetan.

Euskaraz sortutako lanak bultzatzeko eta euskal kultura zabaltzeko proiektu garrantzitsua izan da beraz. Horregatik, Udalbiltzak bigarren edizioa martxan du dagoeneko eta sortzaileek zabalik dute izena emateko epea. Informazio guztia Udalbiltzako web gunean dago eskuragarri.