Udal berriak

Ezohiko udalbatzarra egin du gaur Oiartzungo Udalak, udal kirol instalazioak (Elorsoro kiroldegia, Madalensoro pilotalekua eta udako igerilekuak) kudeatzeko kontratazioari hasiera emateko. Ahobatez onartu da.

Kontratua urtebeterako izango da (305.612,23 €ko aurrekontuarekin -BEZ barne-), eta urtebeteko hiru luzapen egiteko aukera izango da.

Aurten bukatzen da udal kirol instalazioen zerbitzuaren esleipena eta datorren urte hasierarako kontratazio berria prest egoteko egin da ezohiko udalbatzarra.