Udal berriak

Artikutza eta Pikokarate bideetan ganaduaren presentziaz ohartarazten duten bost seinale jarri ditu Udalak. Gaia Larre Planarekin lotuta dago, seinaleen beharra Udalak, Oiartzungo Abeltzainen Elkarteak eta Gipuzkoako Foru Aldundiak osatzen duten mahaitik bideratu baita.

Larre garaian ganadua libre ibiltzen da mendian eta Oiartzungo larre eremu publikoetako batzuk errepideek zeharkatzen dituzte, GI-3454 eta GI-3631en kasuan bezala.

Ibilgailuen arriskua murriztu eta ganaduarekin elkarbizitza gehitzeko jarri ditu seinaleak Udalak, Foru Aldundiak baimenduta.