Udal berriak

Oiartzungo Udalak kanpaina berria jarri du martxan egun hauetan eta horregatik, Oiartzunen etxebizitza hutsak dituzten etxejabeekin harremanetan jarriko da zuzenean: karta bidez eta Oiartzungo Etxebizitza Bulegotik, telefonoz. Udalaren helburua, etxe hutsak ASAP programaren bidez alokairu duinera bideratzea da.

Programa horren bidez etxebizitzak alokatzen dituzten etxejabeek onurak izango dituzte, bai Udalaren aldetik eta bai Etxebideren aldetik: zerga, berritze-lan eta aseguruetan abantailak eta laguntzak jasoko dituzte. Esaterako, IBI errekargurik ez dute ordaindu beharko udaletxean. 

Oiartzungo Etxebizitza Bulegoa 2016tik dago martxan. Orain arte, 14 etxebizitza bideratu dira alokairura.

Etxebizitza Bulegoak beharrezko informazio guztia ematen die etxejabeei, baita tramiteak egiten lagundu ere. Etxejabeei programaren onurei buruz informatzeko eskatu nahi die Udalak, euren etxebizitza hutsari erabilera duina emateko.

Helbidea: Mamut merkatalguneko bulegoak (Oarsoaldea Garapen Agentzia). Astigarragako bidea 2, 2. solairua.

Telefonoa: 943 49 41 29

Ordutegia: Zitarekin. Eskatzeko, astelehenetik ostiralera 09:00etatik 14:00etara.

E-maila: etxebizitza@oiartzun.eus