Udal berriak

12 hizkuntz komunitatetako 19 lagunek Oiartzunen pasatuko dute asteburua

Oiartzungo Udalak eta Garabidek hitzarmena berritu dute gaur, lau urterako. Jexux Leonet alkateak eta Txema Abarrategi, hizkuntz gutxituen kooperazioan aritzen den gobernuz kanpoko erakundeko ordezkariak sinatu dute. Hizkuntza gutxituen koperazioareko elkarlanean jarraitzea ahalbidetuko du hitzarmenak.

Garabideren Hizkuntza Biziberritzeko Aditu Tituluaren ikasketak egitera etorri diren 19 lagunak izan dira hitzarmenaren testigu. Asteburu hau Oiartzunen pasatuko dute, Arritxulon. Horiei denei harrera egin diete gaur udaletxean Jexux Leonet alkateak eta Domi Azpiroz zinegotziak.

Bederatzi herrialdetatik (Bolivia, Brasil, Ekuador, Guatemala, Kolonbia, Kurdistan, Maroko, Mexiko eta Wallmapu) etorritako lagunak dira, 12 hizkuntza komunitateren ordezkari: guarania; kashinawa; ketxia; kitxea; kitxua; kaqchikela; nasa; kurdua; amazigha; nahuatla; maia eta maputxea.

Guztiak euren hizkuntza komunitateetan aktiboak diren pertsonak dira: komunikabide edo hezkuntza arloetan dabiltzanak, aktibista kulturalak, ordezkari politikoak...

Ongi etorri Lizbeth, Micaela, Daniela, Marcos, Carmen, Sisa, Nancy Jimena, M. Salomé, Miguel, Levi, Iris Esmeralda, Jose Benedito, Sergio Andres, Ana Rosa, Huber, Cristina, Milouda, Felix, Francisca, Suna eta Viviana! Probetxugarria izan diezazutela Euskal Herriko egonaldia!