Udal berriak

Hizkuntza urraketak salatzeko aplikazio informatikoa da

Oiartzungo Udalak eta herriko euskalgintzak datorren astean egingo den Akuilari tresnaren aurkezpenera gonbidatu dituzte herritarrak.

Aurkezpena datorren asteartean (hilak 16) izango da, udaletxeko areto nagusian, 19:00etan, Behatokiko Garbiñe Petriatiren eskutik.

Hizkuntza eskubideak defendatzeko aplikazio informatikoa

Akuilari Hizkuntza Eskubideen Behatokiak sortu duen tresna da, hizkuntza eskubideak defendatzeko.

Telefono mugikorretara jaisteko aplikazioa da. Akuilarik aukera ematen du hizkuntza eskubideen urraketak salatzeko, ongi egindakoak txalotzeko edota beste erabiltzaileek jarritakoa partekatzeko sare sozialetan.