Udal berriak

Hilaren 25ean egingo da udal osoko bilkura, 18:00etan.

Martxoko udalbatzarreko gai nagusia udal musika-eskola berria izango da. Iazko azaroko udal osoko bilkuran musika-eskola zerbitzu publiko berriaren ezarpenari behin betiko onarpena eman ondoren eta 2026ko kontratazio planean lizitazioa eta eraikina egiteko obra aurreikusita, martxoko plenoan Oiartzungo udal musika-eskola berria martxan jartzeko funtzionamendu erregelamenduari hasierako onarpena emango zaio.

Zortzi puntuko gai-zerrenda

18:00etan hasiko da martxoko udalbatzarra eta zortzi puntuko gai-zerrenda izango da aztergai:

1. Aurreko batzarrari dagokion aktaren onarpena
2. Oiartzungo udal musika-eskolaren erregelamenduaren hasierako onarpena
3. Oiartzungo udalerrian udal hondakinak bildu eta tratatzeko zerbitzua arautzen duen ordenantzaren aldaketa
4. Zaria mendian katastroko 18. poligonoko 35. lursailean 28 m² zesioa ITELAZPI S.A.ren alde, egungo antena ordezteko
5. Udala eta Haurtzaro Ikastolaren arteko hitzarmena: 2025eko dirulaguntzaren zuriketa onartzea
6. 2026 urterako Oiartzungo Udala eta Haurtzaro Ikastolaren arteko hitzarmena eta dirulaguntzaren onarpena
7. Beste organoen jardueraren jarraipena
8. Eskari-galderak