Udal berriak

Herrian bertan 12 aukera ezberdin eskainiko dira.

Uda Kirol eskaintza antolatu dute eskualdeko udalek aurten ere. Oiartzunen 12 jarduera ezberdin praktikatzeko aukera egongo da. Gainera, eskualdean egongo diren beste 30 eskaintzetan ere izena emateko aukera izango dute oiartzuarrek. Haur eta gazteei zuzendutako jarduerak izango dira gehienak, baina helduagoek ere izango dute ariketa fisikoa egiteko aukera.

Ekainaren 17tik irailaren 8ra luzatuko da eskaintza eta zabaldu dute dagoeneko izen-ematea. Eskaintza aberatsa prestatu dute: arrauna, BTT, paddle surf, piraguismoa, eskalada, tenisa, igeriketa, esku pilota, padela, judo, zunba, gimnasia akrobatikoa eta erritmikoa…

Informazio gehiago eskuratu edo izena emateko antolatzaileekin jarri behar da harremanetan. BPXport, OTXE eta Oiarpek antolatuko dituzte Oiartzungo ikastaroak. Ikastaro bakoitzaren iraupena eta prezioa eskuorrian dago zehaztua.