Azaroko ohiko udalbatzarra izango da asteazkenean

16 puntuko gai-zerrenda aztertuko da

Azaroko ohiko udalbatzarra izango da datorren asteazkenean (hilak 24), 18:00etan.

Hauxe izango da zinegotziek landuko duten gai-zerrenda:

1) Aurreko batzarrari dagokion aktaren onarpena.

2) EHBildu udal taldeak aurkeztuta Interes publiko goreneko proiektuen erregulazio berria-ri buruzko mozioa.

3) 2022 ekitaldiko udal Aurrekontu Orokorraren hasierako onarpena.

4) 2022. urterako udal-lanpostuen zerrenda eta plantillaren onarpena.

5) 2022. urteko Udal Zerga Ordenantzaren atxikiari, 6. atalari buruzko (hiri-lurren balio-gehitzearen gaineko zerga arautzen duen zerga ordenantza), hasierako onarpena.

6) Administrazio elektronikoaren Ordenantzaren hasierako onarpena.

7) Udalak 2022-2024 epealdian emango dituen dirulaguntzen Plan Estrategikoaren onarpena.

8) Aialde kalea 5-7-9 eraikuntza proiektuan dagoen lur-sail zati baten kalifikazio juridikoa aldatzeko espedientea berrestea eta lursail soberakin bezala mugakideari zuzenean besterentzea.

9) Añarbek proposaturik saneamendu sarearen banaketa.

10) Lanbarren poligonoko Arkotz kalearen hegoaldeko ezponda egonkortzeko lanak amaitu ondoren Udalak harrera egitea.

11) Oiartzungo Udala eta Ibargain Musika Eskolaren arteko hitzarmena aldatzearen onarpena, musika ikasketetako matrikulazio-beherakadari aurre egiteko, 4 eta 8 urte bitarteko ikasle oiartzuarren artean musika ikasketak sustatzeko. Hitzarmen berria onartzea.

12) Oiartzungo Udala eta Mikel Mendizabalen arteko akordioaren onarpena, haren ikus-entzuteko materialaren erabilpen baldintzen ingurukoa.

13) Oiartzungo ordezko bake epaile kargua hartzeko izendapen-proposamenaren onarpena.

14) Beste ekitaldietako ordainagiriak baliogabetzea.

15) Beste organoen jardueraren jarraipena.

16) Eskari-galderak.