Udal berriak

Oiartzundik eta Errenteriatik bizikleta martxak antolatu dira

Hilaren 15ean (igandea) Arditurriko Bide Berdearen zortzigarren eguna ospatuko da. Oiartzundik (Doneztebe plaza, 10:00etan) eta Errenteriatik (Gamon zumardia, 10:00etan) bizikleta martxak abiatuko dira Arditurriko meategi guneraino, bidegorrian barrena. Familia giroan egiteko goizpasa izango da. 

Parte-hartzaileentzako hamaiketakoa izango da helmugan. Txirrindulari guztientzako ezinbestekoa izango da kaskoa eta argia, berriz, gomendagarria.

Arditurrin, bisitak eta jolasak

Behin Arditurrin, 11:00etatik 14:00etara meategiak prezio berezian bisitatzeko aukera izango da (oinarrizko bisita 3 €ren truke eta sakonekoa, 4 €). Meategiak bisitatzen dituztenek segway zirkuitua dohainik egiteko aukera ere izango dute.

Haurrentzako ingurumen-jolas tailerrak ere izango dira 11:00etatik 12:00etara. Ondoren, adin guztientzako jolasak izango dira: herri kirolak eta bizikleta-jolasak.