Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: oiartzun@oiartzun.eus

Otsaileko udalbatzarreko gai nagusiak Urmendi haur-eskola, industriaguneetako hondakinen bilketa eta tentsio handiko eremu izateko eskaera izango dira. Otsailaren 25ean egingo da osoko bilkura, 18:00etan. 

Oiartzungo Udal Ikastola Partzuergoa, Urmendi haur-eskola gisa ezagunagoa dena, izango da otsaileko osoko bilkurako aztergai nagusietako bat. Eusko Jaurlaritzak bere Haurreskolak Partzuergoan sartzeko egindako eskaintza eta udalak horren gainean egindako herri proposamena (Haurreskolak Partzuergoa izatea Oiartzungo Udal Ikastola Partzuergoan sartuko dena) landuko dira.

Udaleko bi alderdiek 2025eko azaroan adostu bezala, aurrerantzean Udalak bere gain hartuko du poligonoetako hondakinen bilketa, orain artean baino eraginkorragoa izan dadin birziklatze-mailari dagokionez; eta errentagarriagoa ekonomikoki. Horren guztiaren kudeaketa eta bideragarritasun teknikoa izango da hilaren 25eko udalbatzarreko beste aztergaietako bat.

Esandakoez gain, udala mamitzen ari den etxebizitza plan integralaren parte, Oiartzun tentsio handiko eremu izateko eskaera bozkatuko da udalbatzarrean.

Zortzi puntuko gai-zerrenda

1. Aurreko batzarrari dagokion aktaren onarpena
2. Oiartzungo Udal Ikastola Partzuergoari 2026 urteko ekarpena
3. Haurreskolak Partzuergoa – Oiartzungo Udal Ikastola Partzuergoa: etorkizunerako aukeren proposamenari onarpena
4. Oiartzungo udala GARBITANIA ZERO ZABOR S.L.ren kide izateko erabakia eta partizipazioen erosketa, eta bitarteko propioa izendatzeko proposamena
5. Oiartzungo udalerria bizitegi-merkatu tentsionatuko eremu deklaratzeko agiriak onartzea eta Jaurlaritzari eskaera igortzea
6. Oiartzungo udal araubideko etxebizitza tasatuen eskatzaileen erregistroa arautzen duen Erregelamenduaren aldaketa
7. Beste organoen jardueraren jarraipena
8. Eskari-galderak