Udal berriak

Oiartzunen egindako lanketa azalduko du Eneritz Arbelaitz alkateordeak larunbatean

Zaintzen duten komunitateei buruzko jardunaldiak antolatu ditu Hiritik At kooperatibak Irunen eta erakunde publikoetatik zaintza-komunitateak indartzeko eta saretzeko egin diren politikei buruzko mahai-inguruan parte hartuko du larunbatean (hilak 24) Oiartzungo Udalak.

Eneritz Arbelaitz alkateordeak azalduko ditu Oiartzunen zaintza komunitatearen inguruan egin den lanketa. Mahai-inguru horretan Errenteriako, Donostiako eta Tolosako udal ordezkariek ere parte hartuko dute.

Jardunaldiak on-line, streaming bidez jarraitzeko aukera ere izango da, larunbatean 10:00etatik aurrera, helbide honetan:

https://jardunaldiak.bdskoop.eus