Udal berriak

Sare sozialetan bisibilizatu nahi dira eskualdeko komertzioak

Oarsoaldea Garapen Agentziak, eskualdeko merkatari eta ostalarien elkarteen eskutik, eta sektoreari laguntzeko egiten ari diren topaketa eta ekintzen barruan, sare sozialak mobilizatu nahi ditu, orain ireki den erakusleiho bakarra, eskualdean komunitate sentimendua sortzen joateko.

Horregatik, guztion artean eta guztion laguntzarekin, merkataritza, ostalaritza eta zerbitzuen sektorea eta eskualdeko ekonomia indartuta atera ahal izango direla sinetsita, prestatu diren erronketako lehena abiarazi dute.

Joan den astean Oarsoaldeko merkatari, ostalari eta zerbitzuentzako coaching izenburupean on-line antolatu zen sektoreari laguntzeko antolatzen ari diren webinarretan, erronka bat jarri zitzaien parte hartu zutenei, eta parte hartu ez zuten sektoreko pertsonei orain zabaldu nahi zaien ekintzara gonbidatzeko.

Erronka

Merkatariek, zerbitzu-enpresek eta ostalariek bideo bat grabatu behar dute beren burua aurkezteko, beren establezimendu edo zerbitzuak eskaintzen duen balio-fokuaz hitz egiteko eta itzultzeko gogoa duen eskualdeko beste establezimendu bat edo batzuk aipatzeko, eta hara itzultzeko gogoa zergatik duen azalduko du. Ondoren, #NikOiartzunen traola aipatuko du, baita #NikOarsoaldean.

Bideoak 15 segundoko iraupena izan behar dute gehienez, eta horizontalean, aurrez aurre, paraleloan eta gailua mugitu gabe grabatu behar dira.

covid19laguntzak@oarsoaldea.eus postara bidali beharko dira bideoak, baita udalerri bakoitzeko erreferentziazko elkartera: itturri@itturri.eus.

Eskualdeko herritar guztiak animatu nahi ditugu beren sareetan aipatutako traolarekin bideoa ikusten duten bakoitzean partekatzera, guztion artean komunitate bat sortzen joateko eta tokiko kontsumoak auzoetako eta udalerrietako bizitzan eta, jakina, gure ekonomian duten garrantzia balioesteko.

Jexux Leonetek, Oiartzungo alkate eta Oarsoaldeko presidenteak, eskualdeko herritar guztiak animatu nahi ditu kanpaina honetan parte har dezaten: sektoreko pertsonak bideo horiek eginez eta herritarrak, bideo horiek aktiboki partekatuz. Eskualdeko bizimoduak agerian uzten du sektorearentzat duen garrantzia sare sozialetan egoteak; izan ere, sare sozial horiek erakusleiho gisa funtzionatzen dute gure establezimenduentzat, ia pertsiana guztiak.

Info +;

www.oarsoaldea.eus

covid19laguntzak@oarsoaldea.eus

Telefonoa: 943 49 41 29